Էսթետիկ պատկերի, լույսի, տաղավարների գեղեցկության կողքին հեռուստատեսությունում հավասարաչափ կարևորվում է նաև որակյալ ձայնի ապահովումը: Դրա շնորհիվ հեռուստաարտադրանքը ձեռք է բերում իր ավարտուն տեսքը:

Մասնագիտությամբ ջութակահար Արմեն Պահլավունին 1994-1996 թթ-ին աշխատել է Բյուրականի երաժշտական դպրոցում` որպես ջութակի ուսուցիչ: Հանրային հեռուստաընկերությունում է 1998 թ-ից. սկզբում եղել է հեռուստաընկերության հնչյունային ռեժիսոր:

Երաժշտական կրթությունն ու նուրբ ճաշակը հնարավորություն են տալիս նրան բազմաձայնության մեջ լսել բոլոր մեղեդային գծերը:

2013-2015 թթ. Երևանի պետական համալսարանի ‹‹Մասսմեդիա›› ուսումնական կենտրոնում դասավանդել է հնչյունային ռեժիսուրա:

2016 թ-ից Հանրային հեռուստաընկերության ձայնային ապահովման բաժնի պետն է: