Հանրային հեռուստատեսությունում գեղեցիկ պատկերին զուգահեռ չափազանց կարևորվում է նաև գրագետ ու բովանդակալից խոսքը: Հանրայինի խմբագրական գործունեությունը համակարգում է Գոհար Մխիթարյանը, ում համար տեքստից առավել կարևոր է դրա ենթատեքստը, խոսքից առավել՝ ճիշտ պահի լռությունը: 

Մասնագիտությամբ հեռուստալրագրողն իր աշխատանքային գործունեությունը սկսել է Հանրային հեռուստաընկերությունում, 1994-2000 թթ-ին եղել է ‹‹Մայրաքաղաք›› ծրագրի լրագրող ու հաղորդավար, այնուհետև ‹‹Երևան›› տեղեկատվական կենտրոնի լրագրող:

Գոհար Մխիթարյանը զբաղվել է խմբագրական գործունեությամբ՝ ‹‹Շառավիղ››, «Ճառագայթ» մանկապատանեկան ամսագրերում, ապա թղթակցել է ‹‹Երկիր›› օրաթերթին:

2003-2012 թթ-ին Գոհար Մխիթարյանն աշխատել է «Երկիր Մեդիա» հեռուստաընկերությունում՝ որպես ‹‹Բարև երկիր››, զուգահեռ նաև ‹‹36.6 առողջապահական լրատու›› ծրագրերի խմբագիր:

Գոհար Մխիթարյանը զբաղվել է նաև հասարակայնության հետ կապերի համակարգմամբ՝ 2002 թ-ին «Երևանի էլեկտրական ցանցեր» ՓԲԸ-ում, իսկ 2012 թ-ին՝ ՀՀ կրթության և գիտության նախարարության գիտության պետական կոմիտեում:

2013-ից Հանրային հեռուստաընկերության հեռուստանախագծերի խմբագրական բաժնի պետն է: