Հովհաննես Մովսիսյանը վաղ հասակից է սկսել իր մասնագիտական գործունեությունը, իսկ վերջին տասը տարիներին, գտնվելով ՀՀ-ում տեղի ունեցող կարևոր իրադարձությունների կիզակետում, իրականացրել է լրագրողական և պրոդյուսերական աշխատանք՝ ապահովելով որակյալ մեդիակոնտենտ։

16 տարեկանից աշխատել է «Ինտերնյուս Հայաստանի» և գործընկերների համագործակցությամբ արտադրվող «Մենք ենք» հաղորդաշարում, որից հետո  «Ինտերնյուս Եվրոպայում»՝ որպես լրագրող: 2009 թվականից «Ազատություն» ռադիոկայանում իր գործունեությունը շարունակել է որպես հաղորդավար և լրագրող, իսկ 2017 թվականից ստանձնել է պրոդյուսերի պարտականությունները:

2010-2012 թթ. Պաշտպանության բանակում անցել է ծառայություն, որի մի մասը՝ լրատվության և քարոզչության բաժնում, որտեղ եղել է Արցախի հանրային հեռուստաընկերությամբ հեռարձակվող զինվորական հաղորդման հաղորդավար, լրագրող, հեղինակել է մեկ հաղորդում և մի քանի ֆիլմ:

2010-2016 թթ. սովորել է ԵՊՀ ժուռնալիստիկայի ֆակուլտետում: Ուսմանը զուգահեռ ակտիվ մասնակցել է բազմաթիվ մասնագիտական վերապատրաստումների արտերկրում՝ լրագրողական դասընթացներ (Չեխիա), դոկումենտալ ֆիլմարտադրություն (Թուրքիա), ռադիոլրագրություն (Իտալիա), մեդիա փոփոխություններ (Վրաստան):

2015–2018 թթ. եղել է «CMTeam» մեդիա ընկերության հիմնադիր տնօրենը:

2018 թ. հիմնադրել է «Հայկական միասնական տեղեկատվական կենտրոնը» և 2018-2020 թթ. հանդիսացել ՀՀ վարչապետի աշխատակազմի «Հանրային կապերի և տեղեկատվության կենտրոն» ՊՈԱԿ-ի տնօրենը:

2019 թ. հիմնադրել է «Օրբելի» վերլուծական-հետազոտական կենտրոնը:

2019 թ. հիմնադրել է «Մեր ժամանակների հերոսը» ամենամյա մրցանակաբաշխությունը:

2020 թ. նոյեմբերի 11-ին նշանակվել է Հանրային հեռուստաընկերության գործադիր տնօրեն: