Ինչպես մասնագետներն են ասում, հեռուստատեսությունը սկսում է տեսախցիկից, ինչի միջոցով օպերատորը իրականությունը ներկայացնում է գեղարվեստորեն կամ ուղղակի վավերագրում՝ առանց ավելորդությունների:

Հանրային հեռուստաընկերության գլխավոր օպերատորը Կարեն Ստեփանյանն է, ով իր աշխատանքային գործունեությունը սկսել է 1997 թ-ից՝ աշխատելով ‹‹Նորք›› հեռուստաընկերության լրատվական ծրագրում՝ որպես օպերատոր: 1999 թ-ին եղել է ‹‹Պրոմեթևս›› հեռուստաընկերության ծրագրերի օպերատոր: 1997-2005 թթ-ին աշխատել է “ART 13” ընկերությունում, իսկ դրանից հետո՝ РТР և REN TV ռուսական հեռուստաընկերությունների լրատվական ծրագրերում:

Կարեն Ստեփանյանը մի շարք տեսահոլովակների, ֆիլմերի օպերատոր է, որոշ դեպքերում՝ համատեղելով նաև ռեժիսորի գործառույթներ: Նա շատ ռեժիսորների համար կռվախնձոր է՝ ամենից պահանջված հեռուստաօպերատորներից մեկը Հայաստանում:

Հանրային հեռուստաընկերությունում աշխատում է 2001 թ-ից:

2013 թ-ից Հանրային հեռուստաընկերության գլխավոր օպերատորն է: