
Օտար, ամայի ճամփեքի վրա
Հաղորդաշարը յուրատեսակ հեռուստատեսային զբոսավարի դեր է կատարում, որն ասես հեռուստադիտողի «ձեռքից բռնած» ուղեկցում է աշխարհի զանազան երկրներով ու քաղաքներով: Այս հեռուստանախագիծը հնարավորություն է տալիս ճանաչել աշխարհի պատմաճարտարապետական հուշարձաններն ու տեսնել տեսարժան վայրեր, ծանոթանալ համաշխարհային քաղաքակրթության մշակութային առանձնահատկություններին: Այս առումով հաղորդաշարն ունի ևս մեկ շահեկան կողմ. յուրաքանչյուր արտասահմանյան ճամփորդության ժամանակ ներկայացվում է տեղի հայությունը և նրա ունեցած ավանդը տվյալ երկրի մշակութային ու տնտեսական կյանքում: