Առաջին ալիքի Մեդիա ակադեմիան Թիմ տելեկոմի հետ համատեղ հայտարարում է ընդունելություն «Արխիվի թվայնացում» բաժնում:
«Արխիվի թվայնացում» բաժին կարող են դիմել հեռուստատեսային և աուդիովիզուալ արխիվի պահպանման և մշակման, թվայնացման և կիրառման աշխատանքներով հետաքրքրված անհատները, որոնք ցանկություն ունեն ծանոթանալու ազգային հարուստ ժառանգությանը՝ հանրապետության ամենամեծ հեռուստատեսային արխիվին, և օգտվելու այն սերունդներին նոր գույներով փոխանցելու բացառիկ հնարավորությունից:
Դասընթացներն անվճար են, առանց տարիքային սահմանափակման, տևողությունը՝ երեք ամիս, լավագույնները աշխատանքի կանցնեն Առաջին ալիքում։
Հայտերն ընդունվում են մինչև հունվարի 10-ը ներառյալ։
Ընդունելության առաջին փուլում դիմում-հայտը լրացնելուց բացի՝ անհրաժեշտ է կցել ինքնակենսագրական և մոտիվացիոն նամակ այն մասին, թե ինչու եք ցանկանում սովորել «Արխիվի թվայնացում» բաժնում:
