Դասավանդի՛ր, Հայաստան

Ֆիլմաշարը բաղկացած է 11 մասից, որոնցից յուրաքանչյուրը նվիրված է հիմնադրամի 11 ուսուցիչ-առաջնորդների վառ ու հետաքրքիր կերպարների բացահայտմանը։ Քաղաքի աշխույժ և աղմկոտ թոհուբոհից դեպի հեռավոր համայնքներ՝ ֆիլմաշարը մանրակրկտորեն ցույց է տալիս այն բազմաշերտ ուղին՝ ընտրության փուլեր, ուսուցիչների առաջնորդության ակադեմիա ու բազում մարտահրավերներ, որոնցով անցնում են ուսուցիչ-առաջնորդները մինչև դասարան մտնելը։ Բովանդակալից ու բուռն զարգացումներով լի ֆիլմաշարում միախառնվել է ամեն բան՝ հույզեր և ապրումներ, գյուղական առօրյա և կենցաղ, մարտահրավերներ և խոչընդոտներ, ուրախություն և հիասթափություն, սեր և նվիրվածություն…