Եվրատեսիլ

1956-ին հիմնադրված «Եվրատեսիլ» երգի ամենամյա մրցույթը համարվում է Եվրոպայի ամենադիտարժան և ամենասիրված հեռուստանախագիծը։ Ստեղծման գաղափարը պատկանում է Եվրոպական հեռարձակողների միությանը:

Առաջին «Եվրատեսիլ» երգի մրցույթն անցկացվել է հենց 1956-ին շվեյցարական Լուգանո քաղաքում: Առաջին մրցույթում հաղթող պետություն ճանաչվեց հենց Շվեյցարիան:

Մինչ այսօր «Եվրատեսիլ» երգի մրցույթն իր ֆորմատում համարվում է աշխարհի ամենահաջողված և հայտնի հեռուստանախագծերից մեկը, որին ամեն տարի սպասում են միլիոնավոր մարդիկ:

2003-ին ստեղծվեց «Մանկական եվրատեսիլը»: 2005-ին Եվրատեսիլը նշեց իր 50-երորդ տարեդարձը, որի ժամանակ հեռուստադիտողները ընտրեցին ԱԲԲԱ խմբի Ուաթերլու (ABBA “Waterloo”) երգը՝ որպես «Եվրատեսիլի» պատմության և եվրատեսիլյան բոլոր ժամանակների ամենալավ երգ:

Ամեն տարի «Եվրատեսիլ» երգի մրցույթն իր շուրջն է հավաքում 180 միլիոն հանդիսատեսի: Հայաստանը եւս ապահովում է իր կայուն ներկայությունը: «Եվրատեսիլին» Հայաստանը մասնակցել է 2006-ից, իսկ «Մանկական եվրատեսիլ»-ին՝ 2007-ից: