Կյանքը սահմանին
«Կյանքը սահմանին» ֆիլմաշարը պատմում է Ադրբեջանին սահմանակից հայկական բնակավայրերի մասին: Սրանք այն բնակավայրերն են, որտեղ կրակոցները սկսվել են պատերազմի հետ, բայց պատերազմից հետո էլ չեն լռել: Այս ֆիլմաշարի հերոսները սովորական գյուղացիներն են, որոնք սահման են պահում իրենց ամենօրյա կյանքով՝ հաճախ նույնիսկ չմտածելով իրենց առօրյայով սահմանապահ լինելու մասին՝ կրակոցների ուղեկցությամբ դպրոց ու մանկապարտեզ գնալով, հող մշակելով և բերք հավաքելով, ընտանիք կազմելով և երեխաներ լույս աշխարհ բերելով: Առաջնագծում սահման է պահում հայ զինվորը, իսկ նրա թիկունքում իրենց հողին ամուր կառչած գյուղացիներն են: Ֆիլմերը կառուցվում են մարդկանց պատմությունների միջոցով՝ գյուղի մեծից փոքր իրենց սովորական կյանքով ու պարզ պատմություններով բացահայտում են մեր ուժը:
