Հայրենեան

Հայագիտական, ճանաչողական, ազգագրական հենքով ֆիլմաշար, ասել է թե՝  ԻՆՉՈ՞Վ ԵՆՔ ՏԱՐԲԵՐ։  Ինչն է դարձնում հային, Հայաստանն ու հայկականը եզակի: Որոնք են այն արժեքներն ու ավանդույթները, որոնք դարեր շարունակ կերտել են հայի կերպարն ու հայ մշակույթը: Պարզ թվացող երևույթներն ու հասարակ առարկաները նախագծում դառնում են խորհրդավոր ու նշանակալի, իսկ բարդ թեմաները՝ մոտ ու ըմբռնելի: Թե՛ տեղացիների, թե՛ սփյուռքահայերի, թե՛ օտարերկրացիների համար ֆիլմերը կդառնան Հայաստանն ավելի լավ ճանաչելու, գնահատելու, զարմանալու ու հիանալու առիթ: Բազմակողմանի ու անմիջական մոտեցմամբ՝ նախագծի հեղինակ Գոհար Գասպարյանը կպատմի, կհետաքննի ու կներկայացնի հայկական արժեքները:

 

Գոհար Գասպարյանի հեղինակային «Հայրենեան» հայագիտական նախագծի 4-րդ եթերաշրջանն ընդգրկում է մարդու ինքնաճանաչմանն առնչվող մի շարք թեմաներ, որոնք քննարկվում են հոգեբանության, աստվածաբանության, ազգագրության և հայագիտության տարբեր դիսցիպլինների համատեքստում։ Զուգահեռ ներկայացվում են 5-10-րդ դարերի վաղ քրիստոնեական հիմնականում խոնարհված  եկեղեցիներ, որոնք առավել քիչ են ներկա եղել հայկական հեռուտաեթերում, սակայն համարվում եմ հայկական ճարտարապետության գանձեր։