Հենց այսպես էլ ապրում ենք
Անցկացնելով նույնիսկ մեկ ժամ Երևանում՝ անհնար է չսիրահարվել մեր քաղաքին: Հրանտ Թոխատյանը Երևանում է անցկացրել իր ողջ կյանքը և որոշել է, որ պետք է բոլորին պատմել մայրաքաղաքի այն բոլոր իրադարձությունների և մարդկանց մասին, առանց որոնց դժվար է պատկերացնել Երևանը:
Մայրաքաղաքի պատմությունն ու անցյալը, ընկերները, մեր ազգի մեծերը և ամբողջ հայությունն իր անցյալով, ներկայով ու ապագայով տեղ են գտել հաղորդաշարում:
Հրանտ Թոխատյանը հյուրընկալում է քաղաքի և առհասարակ՝ Հայաստանի պատմությունը գրողների, այն գունավորող մարդկանց, նրանց հետ վերհիշում մայրաքաղաքի պատմության ամենավառ էջերն ու խոսում մեր առօրյայի մասին: Զրույցներն ընթանում են մաեստրո Մարտին Վարդազարյանի մատուցած երաժշտության ներքո և ուղեկցվում են թեմատիկ տեսանյութերով ու երաժշտական ընդմիջումներով:
