Ճակատագրեր
«Ճակատագրով՝ կին» և «Ճակատագրեր. օվկիանոսից այն կողմ» նախագծերի հեղինակ Աննա Ավանեսյանը ներկայացնում է հայտնի մարդկանց ճակատագրերը:
«Ճակատագրեր» ֆիլմաշարի հերոսները պատմում են ճակատագրական հանդիպումների, կյանքի անսպասելի շրջադարձերի, անցյալի նվիրական հուշերի, ներկայի մտահոգությունների ու վաղվա երազանքների մասին:
Հաղորդավար`
Աննա Ավանեսյան
Ծնվել է 1984-ին:
2006-ին ավարտել է ԵՊՀ փիլիսոփայության և հոգեբանության ֆակուլտետի հոգեբանության բաժինը` ստանալով հոգեբանության մագիստրոսի աստիճան:
2003-ին աշխատել է Հայաստանի հանրային հեռուստաընկերությունում որպես «R&B» երաժշտական հաղորդաշարի վարող։
2004-2007 թթ. նույն հեռուստաընկերությունում «Առաջին ծրագիր» առավոտյան տեղեկատվական-ժամանցային ծրագրի հաղորդավարն էր:
2004-06 թթ. համակարգել է «Ֆրանկոֆոն» միջազգային կրթական ծրագիրը:
2007-11 թթ. աշխատել է «Շարմ հոլդինգ» ընկերությունում՝ որպես հասարակայնության հետ կապերի պատասխանատու:
2010-ին եղել է «Արմենիա» հեռուստաընկերության «Բարի գիշեր, հայեր» ծրագրի հաղորդավարը:
2012-ին աշխատել է «Արմնյուզ» հեռուստաալիքում՝ որպես «Առավոտ» լրատվական ծրագրի պրոդյուսեր:
2012-2013 թթ. վարում էր Առաջին ալիքի և ВИД հեռուստաընկերության համատեղ արտադրության «Սպասիր ինձ» («Жди меня») ծրագիրը:
2012–13 թթ. աշխատել է «Մաևտիկա» բրենդինգային գործակալությունում որպես կոմունիկացիոն տնօրեն:
2013-2015 թթ. եղել է Հանրային հեռուստառադիոընկերության խորհրդի մամուլի քարտուղարը:
2013-ից «Ճակատագրով՝ կին» և «Ճակատագրեր. օվկիանոսից այն կողմ» հաղորդումների հեղինակը և վարողն է:
