Շախմատի աշխարհ
Հաղորդաշարը ներկայացնում է շախմատային աշխարհի կարևոր իրադարձությունները, հաղորդաշարի հյուրերի հետ քննարկվում են Հայաստանում շախմատային կարևոր միջոցառումներն ու շախմատի՝ որպես ուսումնական առարկայի, դասավանդման արդյունավետության և շախմատային աշխարհի լավագույնների մասին պատմող տեսանյութերն ու սյուժեները:
Հաղորդաշարը վարում է Աղասի Ինանցը:
Հաղորդավար`
Աղասի Ինանց
Ծնվել է 1990-ին։
2007-11 թթ. սովորել է Երևանի ֆիզիկական կուլտուրայի հայկական պետական ինստիտուտի շախմատի բաժնում,
2011-13 թթ.՝ նույն ֆակուլտետի մագիստրատուրայում:
2007-ին ՀՀ սպորտի և երիտասարդության հարցերի նախարարության կողմից արժանացել է ՀՀ սպորտի վարպետի կոչման:
2009-ին Մոսկվայում անցկացված «Աէրոֆլոտ-Օփեն» փառատոնի C մրցաշարում գրավել է առաջին տեղը։
2011-ին Վիլնյուսում անցկացված «Վիլնյուս-Օփեն» մրցաշարում շահել է առաջին մրցանակը:
2010-ից ակտիվորեն համագործակցում է Հայաստանի շախմատի ֆեդերացիայի հետ՝ կատարելով կազմակերպչական ոլորտի պատասխանատու աշխատանքներ:
2010, 2012 և 2013 թթ. Հայաստանում անցկացված համաշխարհային գրան-պրի մրցաշարերում զբաղեցրել է մեդիաոլորտի ղեկավարի պաշտոնը:
2012-ից սկսել է համագործակցել Շախմատի միջազգային ֆեդերացիայի (ՖԻԴԵ) հետ:
2012-ից աշխատում է Հայաստանի հանրային հեռուստաընկերությունում՝ որպես «Շախմատի աշխարհ» ծրագրի հաղորդավար:
