Աշխատանք

Հայաստանի հանրային հեռուստաընկերությունը իր թիմին միանալու է հրավիրում ԱՍԲ-1 սարքասրահի ինժեների։

Հիմնական պարտականություններ

• Իրականացնել սարքասրահի հիմնական և պահուստային սարքավորումների աշխատանքների վերահսկողություն,

• Կազմակերպել սարքավորումների մատակարարների կամ համալիրի ինտեգրատորների հետ իրականացվող աշխատանքները,

• Եթերների ընթացքում կապ պահպանել տաղավարային ինժեներների հետ,

• Նկարահանումից առաջ նախապես իրականացնել իր ստորաբաժանմանը պատկանող տեսախցիկների, հուշարարի և այլ տեխնիկական միջոցների տեղափոխումը և տեղադրումը, կատարել կարգավորումները,

• Պլանավորել և իրականացնել պրոֆիլակտիկ և կոմուտացիոն աշխատանքներ,

• Նախապես իրականացնել ազդանշանների ընդունման, կարգավորման և կոմուտացիոն աշխատանքները և վերահսկել դրանց որակը ինչպես ընդունման, այնպես էլ հեռարձակման ժամանակ,

• Անհրաժեշտության դեպքում իրականացնել պահուստային բաղադրիչների օպերատիվ անցում,

• Հետևել սարքասրահի ամբողջ համակարգի աշխատանքին և ապահովել դրա անխափան աշխատանքը,

• Պաշտոնի շրջանակում անմիջական ղեկավարի հանձնարարությամբ կատարել այլ աշխատանքներ։

Անհրաժեշտ հմտություններ

• Տեխնիկական սարքավորումների աշխատանքի և շահագործման վերաբերյալ գիտելիքներ,

• Տեխնիկական սարքավորումների կարգավորման և սպասարկման հմտություններ,

• Ազդանշանների ընդունման, կարգավորման և կոմուտացիայի վերաբերյալ գիտելիքներ,

• Տեխնիկական խնդիրները բացահայտելու և օպերատիվ լուծումներ գտնելու կարողություն,

• Սարքավորումների աշխատանքը վերահսկելու և տեխնիկական գործընթացները համակարգելու հմտություններ,

• Պատասխանատվության բարձր զգացում և ուշադրություն մանրուքների նկատմամբ,

• Արագ կողմնորոշվելու և արտակարգ իրավիճակներում արդյունավետ գործելու կարողություն,

• Թիմային աշխատանքի և հաղորդակցման հմտություններ։

Հետաքրքրված անձանց խնդրում ենք իրենց ինքնակենսագրականը ուղարկել [email protected] էլեկտրոնային հասցեին։

Շնորհակալություն ենք հայտնում բոլոր դիմորդներին և տեղեկացնում, որ հարցազրույցի կհրավիրվեն նախնական ընտրության փուլն անցած թեկնածուները: