Աշխատանք

Աշխատանքի նկարագրություն:

Հայաստանի հանրային հեռուստաընկերությունն իր թիմին միանալու է հրավիրում տեխնիկական սպասարկման մասնագետի, ով պատասխանատու կլինի հեռուստատեսային արտադրության ընթացքում օգտագործվող տեսաձայնային սարքավորումների տեղադրման, միացման, տեխնիկական սպասարկման և անխափան աշխատանքի ապահովման համար՝ աջակցելով ինժեներական և արտադրական թիմերին։

Աշխատանքային պարտականություններ

• Տեղադրել, միացնել և փորձարկել վիդեո/ձայնային ինժեներների և եթերային ռեժիսորների աշխատանքային սարքավորումները:

• Աջակցել IP-հենքով տեսա/ձայնային ցանցերի (NDI, SRT, Dante) տեխնիկական կապուղիների անխափանությանը:

• Օգնել օպերատորներին և արտադրական թիմին նկարահանման քարտերի (SxS, CFast, SD) ճիշտ ֆորմատավորման, ընթերցման և տեխնիկական խնդիրների լուծման հարցերում:

• Կատարել AV մալուխների (SDI, HDMI, XLR, Fiber Optic) և փոխարկիչների (Converters) արագ փոխարինում։

• Անմիջապես արձագանքել ստուդիաներից ստացված տեխնիկական խնդիրներին և վերացնել դրանք:

• Անհրաժեշտության կամ ուղիղ եթերի ծանրաբեռնվածության դեպքում ակտիվորեն աջակցել վիդեո ինժեներներին և ձայնային ինժեներներին՝ ապահովելով ամբողջ տեխնիկական համակարգի սինխրոն աշխատանքը:

Անհրաժեշտ հմտություններ

• աշխատանքային իրավիճակներում սառնասիրտ աշխատելու, արագ կողմնորոշվելու և տեխնիկական խնդիրներին օպերատիվ արձագանքելու ունակություն։

• Թիմում աշխատելու, մասնագիտական հաղորդակցություն ապահովելու և այլ ստորաբաժանումների աշխատակիցներին տեխնիկական աջակցություն ցուցաբերելու պատրաստակամություն։

• Հեռուստաընկերության եթերացանցին համապատասխան աշխատանքային գրաֆիկով աշխատելու պատրաստակամություն։

Հետաքրքրված անձանց խնդրում ենք իրենց ինքնակենսագրականը ուղարկել [email protected] էլեկտրոնային հասցեին։

Լրացուցիչ տեղեկություն:

Շնորհակալություն ենք հայտնում բոլոր դիմորդներին և տեղեկացնում, որ հարցազրույցի կհրավիրվեն նախնական ընտրության փուլն անցած թեկնածուները: